… Аз же паки вопросих: отче священнейший! Аще будут приходити от Никониян сущих, и буде от священного сана, крещены же в три погружения, то по приятии и миропомазании можно ли оным с тою же хиротонею и властию быть и священнодействовать, и по коим правилам, дабы сие приятиe было основано в согласность разуму вселенския церкве, чтобы ни един противоречить не мог, видя ясность от священных правил святых отец, и по нас бы будущи родове крепко того держалися.
Отвеща епископ Павел и рече: мощно ти, Феодосие, таковых приимати под миропомазание, и с тою же хиротонею и властию оным пребывати и священнодействовать, по правилу 50-му 1-го вселенского собора; а в толковании на оное ясно вселенския церкве глаголет, яко по миропомазании, аще священника или диякона, аще ли же и епископа, во своем чину да пребывают, а не снова рукополагаются.
Аз же паки вопросих: отче священнейший! Сие дело свойственно точию епископу. Аз же таковое творити како возимею, по коему правилу или от святых отец соборному изложению, чтоб хиротонию приимать как от священного чина, равно и от простолюдин, ибо по правилах! святых отец, аки здание на камене твердом основанное непоколеблемо пребывает!..
Епископ же Павел отвеща: чадо Феодосие! Святый апостол рече: братие! Помните наставники вашя и покаряйтеся, иже глаголиша вам слово, на их же взирающе житие, подражайте вере их. Рекох ти прежде сего 50-е правило вселенского собора о приходящих от Наватианской ереси к святой соборней и апостольской церкви: аще епископы придут, а в том граде ин епископ не обрящется, то оного, по небытности православного епископа отринути не повелевает, но по прокляты ереси миром помазати узаконоположено, а в том же чину пребывает, яко истинного епископа на престоле в небытность в том граде православного епископа пребывати. В согласность же сотвориша преподобныи и богоносныи отцы Сава и Феодосий, от ереси Севировой Иоанна патриарха Иеросалимского, от еретик хиротонисанного, в правоверие прияша и оному с тою же хиротониею, паче же и властию, а не рекоша, яко сие дело точно епископское.
Но даже и от преподобных, тогда с Савою пришедших, ни един сего прияти не зазре, яко сего Иоанна еретика суща, паче же и мучителя бывша, прияше с тою же титлою патриаршею, понеже… Иоана Постника, не общающася ереси Севировой, мучи изгнашем и ранами; но по обращены его вси почитаху, яко истинного патриарха, а не рекоша, яко без епископа повеления прияша, но с радостию и честию почитаху, яко истинного патриарха. – Видиши ли, Феодосие, яко без епископа повеления преподобны отцы оного патриарха еретика суща прияша, и в том же чину священнодействовати повелеша; таковое же их приятие и доныне почитается, иже писано в житии преподобного Савы месяца декабря 5. И тебе же аз, чадо Феодосие, тако повелеваю творити, паче же и благословляю. Да и в правилах святых отец заповедано приимати от ереси приходящих ко святой церкви; единаково пишет 45 и 46-е правило Лаодикийского собора, поведено равно яко apхиерею, такожде и иерею.
Аз же паки вопросих епископа: единым ли чином подобает приимати приходящих к православию под миропомазание, как от священного чину, так и от простолюдин, или какое paзличиe в правилах оных иметь?
Епископ же отвеща: без всякого paзличия между оными, всех равно да пpиeмлeтe под миропомазание, а потом кто в каком чину есть, в том и пребывает по правилу 50-му первого вселенского собора.
Аз же паки вопросих его, глаголя: отче священнейший, аще будет угодно Богу и продлит Господь век, и оставшееся святое миро начнет умалятися, то что тогда сотворити подобает?
Отвеща епископ Павел и рече: якоже святая церковь впредь законоположения утверди и положи, тако и ты твори и в будущем творити повели. И аз благословляю и повелеваю: аще скудно будет мира божественного в крещении, или в церковноосвящении, или в каковой либо потреби, малому миру примешати елей прощено есть, яко да сице удовлетворить и умножить исполнити освящение требующим его. Аще скудно будет святого мира на освящение церкви или коея потребы, то смешавши с маслом за скудость узаконенного елея примешати, яко да умножить и удовлетворить нужды. И сице тебе и будущим по вас родом тако повели творити к требованию оного, ибо от сего времени церковь Христова гонима имать быти и пребывати во уничижении и бегстве и в великом озлоблении.
Аз же паки вопросих епископа: отче священнейший! Ныне убо несть осталось ни единого благочестивого епископа, якоже твоя, отче, святыня. И буде преселит тя Господь от здешних временных на вечная благая, то мощно ли мне и будущим по мне в небытии епископа православного построити церковь и освятити?
Отвеща епископ, глаголя: аще будет тишина и дозволение, и зело мощно, аще не возбранить власть еретическая, мощно построить и освятить по 17-му правилу седмого вселенского собора и по повелению, иже во святых отца нашего Иоанна Златоустого, повелевающего стяжание имущим во своих селах созидати церкви. Писано сие доказаше ясно во нравоучении осмом. Засим же и аз тя благословляю и повелеваю: буди на тебе и на будущих по тебе братиях благословение Божие и мое отныне и до века и во вся роды, аминь. – И никтоже о сем да усумнится, яко аз будущих сужу и нерожденными повелеваю: время бо то настоит; да никтоже о сем крамолу и противу речет, и маловерием да не поболит, но верующему вся возможна суть. Аще ли удалятся нецыи, ты же, чадо Феодосие, не скорби о семь.
Веpа, лист 218 (216) о юнитах. «Ведая вся сия Господь яко таковое будет в последния дни смятение, повелевает, яко иже суть християне, хотящии в правду во христианстве утвердитися, ни к чесому же да бежат иному, точно к Писании, аще бо на ино что взирати будут, соблазнятся и погибнут, не разумеюще кая бы была истинная Христова церковь…. Ими же образ нынешних времен правое житие изобразих, яко о том ведати, яко в них избрании Божие по благодати Его святой большого утешения и подтверждаете, паче сего еже от святого писания и прилежного испытания велия польза, яко да познает и ведает добре, яко всякому человеку подобно есть знать истинную, а не смышленную церковь, но единого Жениха Небесного чистую и нескверную невесту. Ибо кто не познает ю, како в ней и при ней в таковем велицем обуревавши пребудет?
Аще кто в ней не обрящется, той вечного оного и блаженного живота наследити не может,… но повреждающую тщету подимет,…. чтобы ты, православный читателю, остерегая вое свои о временном покои и попечении, имей днем и нощию в православной соборной вере живот свой скончать мог,…. и оную Духом Святым в церкви устроенную песнь воспоминая себе: ненавидящии Сиона посрамятся от Господа, яко трава изсохшая огню вечному предани будут».
Катихис. Больш., лист 335 (384): «о сем святый Иоанн Златоустый в 3-м томе, сиречь книге, о предательстве Иудином сице глаголет: яко же оно слово, еже рече Господь Бог: раститеся и множитеся и наполните землю, единою речено бысть и во вся времена совершително есть внегда к рождению естество прелагается; сице и сие слово Господне единою речено бысть, еже на всех престолех олтаревых, даже до сего дне и до пришествия его, подает силу жертве. Зриши ли, еретиче?»
Книга Вера, лист 20: «церковь бо паче небеси вкоренилася есть и удобнее есть солнцу от течения своего престати, нежели церковь обесчестити и остатися». Ниже, лист 21: «яко святая восточная церковь истинная невеста Христова на основании главы своея во изгнании основана и чрез апостольскую кровь в стены произведеся, и в том основании даже и в страдании окончатся не имать». Ибо в прежния гонительныя времена православныи священники и святые отцы без епископля блогословения, токмо не презря епископа за неимением той страны церкви воздвизали и святили, якоже повествуется в житиях их, или посла посылают, он же пишет на хартии благословение…